अहंकार

 तू जाणलेला शब्द नवा 

अहंकाराचा पहारा त्याला 

परी तो शब्द सारखा 

शब्दाचा अर्थ शब्दातच राहिला 

            -  साबळे क्षितिजा 

आई

 आई तुझ्याशी बोलायचं 

राहूनच गेलं थोडं 

अस्पष्ट त्या अंधारात 

जन्म झाला माझा 

इवल्याश्या माझ्या हातांना 

तुझा आधार मिळाला 

बोबड्या माझ्या शब्दांनी 

हसू  जाणलं तुझं 

तुझ्याच स्मित हास्यानं 

मला बळ मिळालं 

डोळ्यात तुझ्या मी 

मोठी झाली 

भरून गेलं भावनांनी

नातं आपल 

आई तुझ्याशी बोलायचं 

राहून गेलं थोडं 

                             - साबळे क्षितिजा  

 

गरीबाच गाणं

 गरिबाचं गाणं 

परिस्थितीनं शिकवावं
माणुसकीचं नातं
कधीतरी ऐकून बघ
गरिबाचं गाणं

तूच तुझे वेचलेले शब्द
अस्पष्ट भावना अन अस्पष्ट शब्द
अस्पष्ट शब्दातलं जगणं
कधीतरी जगून बघ

अंधारातल्या उजेडासाठी
शोधतोय तो दिवा
अस्पष्ट अंधाराशी
नातं तोडतोय
कधीतरी दिव्याची
गोष्ट जाणून बघ

परिस्थितीनं शिकवावं
माणुसकीचं नातं
कधीतरी ऐकून बघ
गरिबाचं गाणं
                       --साबळे क्षितिजा 

Avyakt | Sabale Don Akshare

अव्यक्त  

बाबा , 

 तूजी परी मी ,
सोबत तुज़्या कमाताली ,
हसु तुज़्या चेहऱ्यावरच ,
तुझीच लाडकी मी ,रूसून बसली तरी ,
कौतुक करून बाबा फक्त तूच समजावतोस ,
चेहऱ्यावरच्या हसुला रोज नव्याने फुलवतोस ,
तुज़्यावरच प्रेम कधीच व्यक्त झाल नाही।

बाबा ,
शब्द अडखळले , मुके होयचे ,
अव्यक्त मनाशी भांडत बसायचे ,

बाबा  ,
उद्या ,सासरी जाताना 
निरोप कसा घ्यावा तेच समजेना ,
डोळे दाटून येतील ,
पण तुज्यावरच प्रेम मुकच राहील। 

- साबळे क्षितिजा

swapn

                   स्वप्न

         स्वप्न ! स्वप्न असतं !

         मनातलं अंगण असतं !

                  स्वप्नांच्या आकाशी 

                  स्वप्न माझं !

         पाखराच्या पंखाशी 

         स्वप्न माझं !

                   अन जगाशी झगडणार 

                   स्वप्न माझं !

               

                  - क्षितिजा  साबळे